සූර්ය බලශක්තියේ ප්‍රගතිශීලී හැරවුම
සූර්ය බලශක්තියේ ප්‍රගතිශීලී හැරවුම සමඟ ඔබත් එක්වන්න.
අප රටට අවශ්ය විදුලි බල උත්පාදනය කිරීමට ලබා ගන්නා මුලාශ්‍ර 100% ක් පුනර්ජනනීය ප්‍රභව වලින් වසර 2050 වන විට ලබා ගැනීම රජයේ අපේක්ෂාවයි. මෙහිදී විදුලි පාරිභෝගිකයන් ද විදුලි නිෂ්පාදකයින් වශයෙන් විදුලි ජනන ක්‍රියාවලියට සම්බන්ධ කරගනිමින් තම නිවෙස්වල වහල මත ඉදි කෙරන කුඩා සූර්ය බලාගාර ප්‍රවර්ධනය කිරීමේ වැඩසටහනක් 'සූර්ය බල සංග්‍රාමය' නමින් ක්‍රියාවට නංවයි. මේ යටතේ විදුලි පාරිභෝගිකයින් මිලියනයක් විදුලි නිෂ්පාදකයින් බවට පත් කිරීමට අපේක්ශිත අතර, නිෂ්පාදනය කරනු ලබන අතිරික්ත විදුලිය සඳහා ගෙවීම් කිරීමටද නියමිතය. ඕනෑම විදුලි පාරිභෝගිකයෙකුට තම වහල සුර්ය විදුලි බලාගාරයක් බවට පත් කළ හැකියි.මේ සදහා රජය මගින් යෝජනා ක්රමයන් තුනක් හදුන්වාදී ඇත.
"ඔබගේ විදුලි පරිභෝජන රටාව හා කැමැත්ත අනුව සුදුසුම යෝජනා ක්රමය තෝරාගත හැක"
යෝජනා ක්රමය 01 - ශුද්ධ මණුකරන.
මෙම යෝජනා ක්රමය විදුලි පාරිභෝගිකයා විසින් පුනර්ජනනීය බලශක්ති පදනමක් සහිත විදුලි ජනන පද්ධතියක් ස්ථාපනය කර විදුලිබල මණ්ඩලයේ විදුලි බල පද්ධතියට සම්බන්ධ කරගත හැකිය.උපයෝගිතා මීටරය වෙනුවට ආනයන / අපනයන මිනුම් සහිත මීටරයක් ආදේශ කරනු ලැබේ. පාරිභෝගිකයන් මගින් පරිභෝජනය කරන විදුලි බලය ආනයනය කරනු ලබන බලශක්තිය ලෙස සැලකෙන අතර විදුලි උත්පාදනය කර විදුලිබල පද්ධතියට සැපයෙන විදුලිය අපනයන බලශක්තිය ලෙස සැලකේ.
එක් බිල්පත් කාල පරිච්ඡේද‍යකදී (සාමාන්යෙයන් එක් මාසයක්), උපයෝගිතා මීටරය මගින් මනින අපනයන හා ආනයන මැනුම් කියවනු ලබයි. අපනයනය සහ අපනයන අතර වෙනස සඳහා පාරිභෝගිකයාට විදුලි බිල්පත සකස් කරනු ලැබේ.ඕනෑම බිල්පත් කාලයකදී අපනයනය ආනයනයට වඩා වැඩි නම්, පාරිභෝගිකයාට ඉතිරි ඒකක ප්‍රමාණයක් ලැබෙනු ඇති අතර, ඊළඟ මාසයේදී හෝ වසර 10ක් තුල එය පරිභෝජනය කරන ඒකක ප්රමාණයට හිලව් කල හැක.
මෙම ක්රියාවලියෙහි ප්රධාන සාධකය වනුයේ පාරිභෝගිකයා අපනයනය කරන අතිරික්ත ශක්තිය සඳහා මූදල් නොලැබීමයි.ඒ අනුව පාරිභෝගිකයින්ට අවශ්ය වන පරිදි පුනර්ජනනීය බලශක්ති පද්ධතියේ ධාරිතාවය තෝරා ගැනීමට හැකියාව ඇත. උත්පාදනය කිරීමේ පහසුකමේ ස්ථාපිත ධාරිතාව නිෂ්පාදකයාගේ කොන්ත්රාත්තුවේ ඉල්ලුම ඉක්මවිය නොහැකිය. මෙම යෝජනා ක්රමය සඳහා කොන්ත්රාත් කාලය වසර 20 කි.
යෝජනා ක්රමය 02 - ශුද්ධ ගිණුම්කරණය.
මෙම යෝජනා ක්‍රම‍යේදී පලමු යෝජනා ක්රමය සඳහා අතිරේක වාසියක් හඳුන්වා දී ඇති අතර, ශුද්ධ අපනයනය කරන ලද ඒකක සඳහා අපනයන ගාස්තුවක් හඳුන්වා දී ඇත.වහලය තුළ සවි කර ඇති සූර්ය පැනල භාවිතා කර ජනනය කරන ලද විදුලි ඒකක ගණන ආනයන ඒකක ප්රමාණයට වඩා වැඩි නම්, පළමු වසර 07 තුළ පාරිභෝගිකයාට ලැබෙන
මුදල ඒකකයකට රුපියල් 22.0 ක් වන අතර 08 වන වසර සිට 20 වන වසර දක්වා ඔහුට ඒකකයකට රුපියල් 15.50 ක් ගෙවනු ලැබේ.සූර්ය කෝෂවලින් ජනනය වන ශක්ති ප්රමාණයට වඩා පරිභෝජනය වැඩි නම්, පරිභෝජනය කරන අතිරික්ත ඒකක සඳහා පවතින විදුලි බිලට විදුලි පාරිභෝගිකයා ලංවිමට ගෙවිය යුතුය.
යෝජනා ක්රමය 03- නෙට් ප්ලස් ක්රමය
සූර්ය බලශක්ති විදුලි බලාගාරයෙන් නිපදවන මුළු විදුලිය ඒකක ප්‍රමාණයම සෘජුවම අපනයනය කරන ලද මීටරයක් හරහා අපනයනය කරනු ලබන අතර, පළමු වසර 07 තුළ පාරිභෝගිකයාට ලැබෙන මුදල ඒකකයකට රුපියල් 22.0 ක් වන අතර 08 වන වසර සිට 20 වන වසර දක්වා පාරිභෝගිකයාට ඒකකයකට රු .15.50 ක මුදලක් ගෙවනු ලැබේ.
බලශක්ති ආනයනය වෙනමම ආනයනික මීටර් මගින් මනිනු ලබන අතර පවත්නා විදුලි බිලට අනුව අය කරනු ලැබේ. ලංවිම විසින් සූර්ය බලශක්ති බලාගාරයේ අපනයනය කියවිය යුතු අතර, අනෙකුත් මීටරයෙන් ආනයන ශක්තිය කියවිය යුතුය
"මේ වැඩ පිලිවෙලෙහිදී අප ආයතනය ප්‍රමුඛ කාර්යභාරයක් ඉටුකිරීමට නියමිත අතර අපගේ ඉංජිනේරු කණ්ඩායම ඔබගේ නිවාස හෝ පරිශ්‍රය සුර්ය බලශක්තියෙන් බලගැන්වීමට අවශ්ය සියළුම තාක්ෂණ සහ ව්යාපෘති කටයුතු ඉටුකරදීමට සුදානමින් සිටී."
- ඔබගේ ව්යාපාරයේ පාලනය කල නොහැකි අධික විදුලි බිල ඔබට හිසරදයක්ද?
- එවැනි අධික විදුලි බිලක් ප්‍රතිලාභයක් කරගත හැකි කදිම විසදුමක් මෙන්න අපෙන්,
- සූර්යබල ශක්ති තාක්ෂණය ඔස්සේ ඔබගේ දෛනික විදුලි පරිභෝජන ඒකක ප්රමාණය ඉක්මවා විදුලි ඒකක, නිෂ්පාදනය කර එය ප්රධාන විදුලි ජාලයට එකතු කිරීමට මෙහිදි අප විසින් සිදු කෙරෙයි.
- එහිදී දෛනිකව නිෂ්පාදනය වූ අතිරික්ත විදුලි ඒකක ප්රමාණය මාසය අවසන ඔබට ඉහළ ආදායමක් උපයා ගැනීමට අනඟි අවස්ථාවක් උදාකර දෙයි..
- මෙම සූර්ය බලශක්ති පැනල පද්ධතිය උදෙසා ඔබ කරන ආයෝජනය වසර 3ක් සහ 5ක් අතර කාලයකදී පියවා ගැනීමට ඔබට පහසුවෙන් පුලුවන්.
- අප විසින් භාවිතා කරන ඉහළ ප්රමිති යුතු උපාංග හේතුවෙන් ඔබට අවුරුදු 30ක කාලයක් ඉක්මවා වුවද කිසිදු වෙනසක් නොවී ඝෘණ විදුලි බිලක් ඔබට ලබා දීම අපේ ඒකායන අරමුණයි..